მშობლიური კერა” რობინსონის პირველი მხატვრული ნაწარმოებია, გამოცემული -1980 წელს. ავტორი გვიყვება ამერიკულ ოჯახზე, რომლის სევდასა და იმედში თანამედროვე მსოფლიოს სევდა და სასოება ირეკლება. რუთისა და მისი დის, ლუსილის ისტორია სცილდება პატარა, მიყრუებული ამერიკული დაბის საზღვრებს , კონტინენტის საზღვრებსაც კი და უაღრესად მგრძნობიარე, ზოგადსაკაცობრიო ნიშნულამდე აღწევს. მწერალი, სათქმელის უკეთ გადმოსაცემად, ბიბლიურ ხატებსაც მოიხმობს და მკითხველისთვის გასაგები ხდება, რომ მშობლიური კერა, მისი მიტოვება თუ მისი დაკარგვა და უცხოობაში ხეტიალი ბიბლიური ედემის დაკარგვას ჰგავს და ადამისეულ ტკივილს უკავშირდება.