წიგნის წარმოებისთვის უამრავი ხე იჭრება, ყოველი მოჭრილი ხე კი ბუნებისთვის დიდი დანაკარგია. თუმცა, ქაღალდის წარმოება მეორეული ქაღალდითაც არის შესაძლებელი, ამიტომ ”პალიტრა მედიამ” ამ პროექტის წამოწყებით რამდენიმე მიზანი დაისახა:

• შევინარჩუნოთ გარემო - უამრავი ქაღალდი , ჟურნალი, გაზეთი, წიგნი და ა.შ. გროვდება სახლში, ბიბლიოთეკებში, რომელიც აღარ გვჭირდება. მეორეული ქაღალდი გადამუშავდება, იქცევა ისევ ქაღალდად და უბრუნდება იმ ბაზარს, რომლისთვისაც ხე უნდა მოიჭრას.
• წიგნის მოყვარულებს მიეცეთ საშუალება გაცვალონ უსარგებლო მაკულატურა მათთვის სასურველ და საინტერესო წიგნებში.

პროექტის ფარგლებში ნებისმიერ მსურველს შეუძლია ჩააბაროს მაკულატურა(ძველი წიგნები, თაბახის ფურცლები, ჟურნალ-გაზეთები) და სანაცვლოდ ახალი წიგნები მიიღოს.  არ ბარდება ( მუყაო,  ცელოფნის ფაილი, ბაინდერი). სქელყდიან წიგნებს აკლდება 15 % წონის.
ახალი წიგნის მიღებისთვის საჭიროა მინიმუმ 10 კგ მაკულატურა. მაკულატურის ჩაბარებისას მიიღებთ ელექტრონულ ”ნერგი ბარათს”, რომელზეც დაგერიცხებათ მაკულატურის ჩაბარებული კილოგრამების შესაბამისი ”ნერგების” ერთეული. (1კგ=1ნერგს)

დაგროვილი ნერგები გაძლევთ საშუალებას გაცვალოთ ისინი შესაბამისი საფასურის, პროექტისთვის გამოყოფილ ახალ წიგნებში (წიგნების ფასიც ნერგებში აისახება).

მაკულატურის ჩაბარება და წიგნების გაცემაც მოხდება ქიზიყის ქუჩა 50 ბ დან.


სამუშაო საათები:

• სამშაბათი - პარასკევი 10:00 სთ -დან 17:00 სთ -მდე
• შაბათი 10:00 სთ -დან 15:00 სთ -მდე
• კვირა, ორშაბათი დასვენება